17 июля 2025 года в нашем домовом храме совершена Божественная литургия памяти святых страстотерпцев императора Николая II, императрицы Александры, царевича Алексия, великих княжен Ольги, Татианы, Марии, Анастасии. Накануне , по обычаю, 16 июля отслужили вечерню, а 17 июля раннюю утреню.
Страстотерпец Николай II Романов, император Российский (житие)
Проповедь настоятеля протоиерея Николая Абрамова 17 июля 2025 года по чтении Евангелия
+
Паримия из богослужения, на которую ссылается о.Николай в своей проповеди
Царств третиих чтение (главы 8 и 9):
Ста Соломон пред лицем олтаря Господня,/ пред всем собором Израилевым, и воздвиже руце свои на небо, и рече:/ Господи, Боже Израилев, несть якоже Ты Бог на Небеси горе и на земли низу,/ храняи завет и милость рабу Твоему,/ ходящему пред Тобою всем сердцем своим,/ яже сохранил еси рабу Твоему Давиду, отцу моему:/ ибо глаголал еси усты Твоими и рукама Твоима совершил еси, якоже день сеи./ И ныне, Господи, Боже Израилев,/ сохрани рабу Твоему Давиду, отцу моему, яже рекл еси ему, глаголя:/ не оскудеет муж от лица Моего, седяи на престоле Израилеве,/ токмо аще сохранят чада твоя пути своя, еже ходити предо Мною,/ якоже ходил еси предо Мною./ И услышиши молитву раба Твоего и людии Твоих Израиля,/ о нихже помолятся на месте сем:/ и Ты услышиши на месте обиталища Твоего на Небеси,/ и сотвориши и помилуеши./ Елика аще согрешит кииждо ко искреннему своему,/ и аще приимет на него клятву, еже кляти его,/ и приидет, и исповесть пред лицем олтаря Твоего в храме сем./ И Ты услышиши от Небесе, и сотвориши суд людем Твоим Израилю,/ осудити беззаконнаго, дати путь его на главу его,/ и оправдити праведнаго, дати ему по правде его,/ егда падут людие Твои Израиль пред враги, яко согрешат Ти,/ и обратятся к Тебе, и исповедятся имени Твоему,/ и помолятся, и возглаголют молитву к Тебе в храме сем./ И Ты услышиши с Небесе, и милостив будеши о согрешениих людии Своих Израиля,/ и возвратиши я в землю, юже дал еси отцем их, яко согрешат Ти,/ яко несть человек, иже не согрешит,/ и разгневаешися на ня, и предаси я пред враги,/ и попленят их пленящии в землю далече или близ,/ и обратят сердца своя в земли, аможе преселишася,/ и обратятся, и помолятся Тебе в земли преселения своего, глаголюще:/ согрешихом, беззаконновахом, неправдовахом./ И обратятся к Тебе всем сердцем своим и всею душею своею в земли враг своих,/ аможе превел еси их,/ и помолятся к Тебе по пути земли своея, юже дал еси отцем их,/ и ко граду, егоже избрал еси,/ и ко храму, егоже создах имени Твоему./ И услышиши от Небесе, от готоваго жилища Твоего, молитву их и моление их,/ и сотвориши оправдание им,/ да будет Господь Бог наш с нами, якоже бе со отцы нашими,/ да не оставит нас, ниже да отвратит нас, преклонити сердца наша к Нему,/ еже ходити во всех путех Его/ и хранити вся заповеди Его и повеления Его и оправдания Его,/ яже заповеда отцем нашим./ И рече к нему Господь:/ услышах глас молитвы твоея и моления твоего/ имже молился еси предо Мною;/ сотворих ти по всеи молитве твоеи,/ и освятих храм сеи, егоже создал еси,/ еже положити имя Мое тамо во веки,/ и будут очи Мои ту и сердце Мое во вся дни./ И ты, аще поидеши предо Мною,/ якоже ходи Давид, отец твои, в преподобии сердца и в правоте,/ и еже творити по всем, яже заповедах ему,/ и повеления Моя и заповеди Моя сохраниши,/ и возставлю престол царствия твоего во Израили во веки,/ якоже глаголах к Давиду, отцу твоему, глаголя:/ не оскудеет ти муж властелин во Израили.
Полный текст богослужения на сайте Азбука.Ру Святых царственных страстотерпец: Императора Николая, Императрицы Александры, Царевича Алексия, Великих Княжен Ольги, Татианы, Марии, Анастасии, от безбожныя власти избиенных
